Transcription
1
Monsieur, le présant porteur, surnommé La Tour, a ung affaire à
2
Grenoble qui lui touche, mesmement pour l’intérination de quelques
3
lettres patentes qu’il a pleu au roy accorder en sa faveur et
4
recommandation, lesquelles il a désia pour cest effect présantées
5
à messieurs de la court de parlement dudit Grenoble qui en ont
6
faict difficulté pour aultant qu’ilz disent qu’il a esté et faict
7
aultreffois proffection de la nouvelle religion ; et parce qu’il
8
a faict au roy des grandz et notables services durant les derniers
9
troubles, pour recongnoissance desquelz sa majesté luy a accordé le
10
contenu esdites patentes et oultres cela encores une pensions ordinaire
11
par moys pour luy donner plus de moyen de vivre et s’entretenir,
12
dont il est tousiours payé par mes mains, j’ay bien voullu
13
l’accompaigner de la présante tant pour vous tesmongner ce que
14
dessus, que pour vous supplier comme je faict bien affectueusement
15
monsieur, que en considération de cela, il vous plaise luy impartir
16
de votre faveur à l’endroict de mesdits sieurs de ladite court de
17
parlement, à celle fin qu’ilz ne facent difficulté à l’intérination
18
des susdites patentes, et de ma part, je me sentiray vous en
19
avoir obligation pour en prendre mon revenche en tout ce
20
qu’il vous plaira m’employer et commander que ce sera
21
d’aussi bonne voullunté et affection que je recommande
22
en cest endroit bien humblement à votre bonne grâce,
23
suppliant le Créateur qu’il vous doinct
24
monsieur, en très bonne sancté longue et heureuse vye. De
25
Lyon, le XVIIIIe décembre 1572.
26
Votre plus afeccionné à vous faire servise
27
Mandelot
28